نوير من طفولتها تحب الفنون بمختلف أنواعه، خاصةً الفخار والصلصال، وأي قطعة فخارية تلفت نظرها على طول، وتجذبها النقوش الموجودة فيها مع تفاصيلها الدقيقة اللي تجسدها بطابعها الخاص..
كانت في وقت فراغها تفتح اليوتيوب وتتعلم عن اسرار هذا المجال وتسوي اشكال بسيطة ويوم بعد الثاني كانت مهارات نوير تتطور واعمالها تصير متقنة أكثر..
وفي يوم من الأيام سمعت عن دورة صناعة الفخار من المعهد الملكي للفنون التقليدية ما ترددت وسجلت فيها!
تعلمت كل شيء عن الفخار من أنواع الطين الى الحرق والتلوين وكانت مستمتعة بكل خطوة!
وبعد م تخرجت نوير كان عندها الخيار انها تتوظف بشهادتها لكن هي اختارت طريق مختلف، فتحت حساب في مواقع التواصل الاجتماعي تشارك الناس المهتمين بهذا المجال بعض المعلومات عن الفخار، وبعد فترة فتحت متجر الكتروني تبيع فيه تحفها الفنية الي الناس أعجبوا فيها!
وبعد فترة قررت انها تخطو خطوة أكبر وتفتح متجر حقيقي تبيع فيه تحفها الفنية، وما كان مجرد محل عادي كان محل يجمع محبي الفن يجتمعون هناك ويتناقشون ويتعلمون وخصصت مساحة لورش العمل تعلم المهتمين وكانت سعيدة جدا وهي تساعد الناس يكتشفون شغفهم ويطورون مهاراتهم!
الخلاصة:
الوظيفة ليست الطريق الوحيد للرزق، الهوايات ممكن تكبر مع الشخص وتتحول الى مصدر دخل وسعادة معا!
%20(120%20x%2080%20%D8%B3%D9%85).png)